انا نفسى اشتكيلك ايه اللى انا حسه من جوايا
مش هشتكى فقر و جوع ابدا ميفرقوش معايا
ده الستر وراحة البال وانتى بخير ده كل هنايا
ده انتى المهم والاهم انتى اللى عليها النوايا
كله طمعان فيكى يا احلى واجمل الصبايا
ناس بتطمع فى سلطة وغيرهم فى سرايا
جواكى ووجعينك متشوفهمش زى السلاية
كل يوم
يطلعوا يلفقوا من بعض لبعض قضايا
وعشان تدور على الحقيقة تلاقى
مليون رواية
نفسى أصرخ واقولهم لحد كدة خلاص كفاية
فين خيرك اللى ذكره ربى فى اكتر من آية
نهبينك
وظالمينك وبيدعوا انهم الحماية
وكل يوم يطلعوا لنفسهم اعلانات ودعايا
قـاعدين بيضربوا ويستخبوا بيلعبوا استغماية
والضرب فيكى انتى كأنه ناازل على قفايا
وماله ده انتى الوحيدة اللى افديكى بضنايا
ايوة فداكى زهرة العمر ده انتى اجمل حكاية
ده فيكى كان الشباب والشيب وذكريات صبايا
أنتى الأمل وانتى الحلم ده أنتى نجمة سمايا
ساكنة
ملامحى ساكنة سكوتى وساكنة غنايا
ومش مهم ....
مش مهم طريق دول ولا دول المهم الهداية
مش مهم ايه الصح البنطلون ولا العبايا
ومش مهم نقول دولة ولا نقول ولاية
ولا مهم اللى شايف نفسه صح ويقول مافيش سوايا
ومصدق نفسه اوى ومش شايف غيره فى المراية
ايوة مش مهم لانهم وسايل وانتى بس لوحدك غاية
غايتنا بس انتى تفضلى ديما وابدا مرفوعة الراية
وانتى زاويتنا حتى لو كترت الزوايا
ليكى
دايمة البداية وليهم ديما نهاية
كلمتين وهقولهم حتى لو هتاخد جناية
كلمتين وهقولهم وعلى ربى عشايا
ياللى بتاجروا فى دمنا ولحمنا الله يلعن ديه داية !!!
مدونة رائعة وتمنياتي بالنجاح لهذا النشاط المتميز . فقط اود أن اعرف عدد زوار المدونة شهرياً
ردحذفشكرا جزيلا يا استاذ مصطفى
ردحذفبالنسبة لعدد الزوار لسة فى البداية وممرش شهر على انشائها