حكايتى مع التعيين

الحقوا يا متعلمين ... 

بيقولوا فيه تعيين ..

.مرتب ثابت ألفين ...

.و حوافزمع تأمين .... 

لو اثبت جدارة هتدخل فى التموين 

 روح للادارة واعمل لبياناتك تخزين 

لما اتصلت باهلى بقوا فرحانين  

... بس احساس من جوايا ندهلى أن ده شكله كمين

...طبعا شكلها نصباية بس أهو امل فيه متعلقين 

روحت اتقدم ولاقيت طبعا ملايين ..

. وقفت طابور ولقتهم كاتبين ... 

نظم وقتك ده الوقت ثمين ... 

بس لفت انتباهى ان كل اللى بيطلعوا مبحلقين 

قدمت اوراقى لموظف بابتسامة صفرة وتخين

بصلى وقلى أسفين ...مش مستوفى شرطين 

اللى هما  ازاى وفين : 1- مطلوب خريجين  .... بخبرة اربع سنين
 .
            2- وفلوس مش لينا ديه لاطعام ستين مسكين ..

 قولتله مش ليكوا اة يا ابن ستين{ عيب عيب } 

...روحت أسال عليها طلع  صحابها نصابين ...

. بلغت عليهم الظابط قلى سيبهم يلمولهم قرشين ...

وانتوا اللى روحتوا  برجليكوا ده قانوننا لايحمى المغفلين ..!!!!!!

<script type="text/javascript"><!--